Ezekiel 20:38-40

Ang Biblia (1978)

³⁸ At ^(A)aking lilinisin sa gitna ninyo ang mga mapanghimagsik, at ang mga nagsisisalangsang laban sa akin; aking ilalabas sila sa lupaing kanilang pinangingibahang bayan, nguni't hindi sila magsisipasok ^(B)sa lupain ng Israel: at inyong malalaman na ako ang Panginoon.

³⁹ Tungkol sa inyo, Oh sangbahayan ni Israel, ganito ang sabi ng Panginoong Dios; ^(C)magsiyaon kayo, maglingkod bawa't isa sa kaniyang mga diosdiosan, at sa haharapin man, kung hindi ninyo ako didinggin; nguni't ang aking banal na pangalan ay ^(D)hindi na ninyo lalapastanganin ng ^(E)inyong mga kaloob, at ng inyong mga diosdiosan.

⁴⁰ Sapagka't ^(F)sa aking banal na bundok, sa bundok na kaitaasan ng Israel, sabi ng Panginoong Dios, doon ako paglilingkuran sa lupain ng buong sangbahayan ni Israel, nilang lahat: doo'y ^(G)tatanggapin ko sila, at doon ko ^(H)hihingin ang inyong mga handog, at ang mga unang bunga na inyong mga alay, sangpu ng lahat ninyong banal na bagay.